طريقة عمل الملوخية الساقعة بالليمون * لذيذة

2018-02-03 02:03:22 حواء ...





تاريخ الملوخية الساقعة و اسمها الاصلى

الملوخية الساقعة و اسمها الاصلى الشلولو و اصلها فرعونى لكن للاسف استخفوا بالاكلة البسيطة دى و راحوا يلطوها بإضافات تانية كتيرة ضيعت طعمها و بساطتها ، حتى انهم لما بيوصفوها بيقولك المقادير مياه باردة و بعدين يقولك نحطها على النار ! طب و لازمتها ايه المياه الباردة مدام هتحطها على النار ؟! فى حين ان الشلولو اصلا مش بيتحط على النار اساسا و بتاتا و ضيعتوا الاكلة يا شوية ضايعين :/

نيجى للمهم ...

المقادير 

  1. ملوخية ناشفة 
  2. مياه باردة
  3. ملح و شطة و فلفل اسود 
  4. عدد ١ ليمونة لكل طبق

طريقة التحضير

الطريقة طبعا مفيش ابسط منها

نضيف الملح و الشطة و الفلفل الاسود على المياه و نضيف عليهم بقدر كف من الملوخية الناشفة لكل طبق و نقلب كويس و بعدها نعصر الليمونة عليهم و نقلب تانى و بس

طبعا مش عاجبك اكيد محنا ضربنا توليفة على الاكلات العاكة و اللى فيها ١٠٠ صنف و صنف

بس انا عايزك بس تجربتها مرة واحدة تدوق فيها طعم البساطة و بعدها ادعيلى

اسيبكم فى ملئ الصحة و العافية

و بالهنا ...














نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق